Pjotrsolo: Schoggola

---
Am Morge früeh wenn i mues ufschtah
Da tröim i no vo Schoggolah
Drum han i mir ä Wecker kouft
Ä Wecker ganz us Schoggola
Sithär chan i guet ufschtah
Es schmöckt scho em Morge nach Schoggola!
---
U de fröi i mi ufe Zmorge-Tisch
Wo vou mit feine Sache isch
I la mi nid lang la Bitte
U bisse i d'Schoggischnitte
Ja we's zum Zmorge Schoggi git
De blibeni bis zum Znüni fit!
---
Zum Znüni wenn i ids Kafi ga
Mues i de es Weggli ha
Aber das allei isch no nid gnue
Zwöi Schoggistängeli bruchts derzue
Zwöi Schoggistängeli bruchts derzue!
---
   Schoggola, Schoggola
   Schoggi mues i zum Znüni ha
   Aues angere lan i la schtah
   Schoggi mues i zum Znüni ha!

Em Mittag wen i de Hunger ha
Da gan i de ids Restaurant
Dört fragt mi ds Frölein de ganz nätt
Was i ächt gärn zum Zmittag hätt?
Ja was i ächt gärn zum Zmittag hätt?
---
   I säge re de eis, i wott ke Meis
   U i wott ke Salat, nei ke Salat...
   Heit dir äch gnue Schoggi parat?
---
Mit ere Schoggisuppe fan i de ah
Es Schoggi-Schnitzu chunnt nächär dra
Schoggi-Nuudle u Schoggi-Gmües
D'Houptsach es isch richtig süess!
D'Houptsach es isch richtig süess!
---
Zum Dessär weiss i was i wott
Es Schoggimousse das wäri flott
Mit wiisser Schoggi u Manduschplitter
Ja das wär es Goume-Gwitter
Wow das wär es Goume-Gwitter!
---
Erdbeer-Sorbet das bliibt lige
Mit Zimetparfait chasch mi vertriibe
Gits Öpfumues platzt mir dr Chrage
Mit Vanille-Pudding chasch mi jage
Bi Marmor-Cake fan i afa trotze
Git's Griesbrei - mues i - mues i...
---
   Schoggi ha, Schoggi ha
   Schoggi mues i zum Dessär ha
   Aues angere lan i la schtah
   Schoggi mues i zum Dessär ha!
---
   Aues angere lan i la schtah
   I bruuche itz echlii Schoggola
---
U wenn i de mau Nünzgi bi
U mues gah, u mues gah
De nume im ne Sarg us Schoggola
Angers chani di Wäut nid verlaa
Nume imene Sarg us Schoggola
---
U wüu i geng ganz brav bi gsii
Uusgässe ha, nüt ha la schtah
Chumm i de i Himmu us Schoggola
Chumm i de i Himmu us Schoggola
Ja chumm i de i Himmu us Schoggola
---
Uf're Schoggiwulche ligen i dört
Dr Schoggiduft wär unerhört
U vor mir uf em ne Stängeli
Da tanze Schoggiängeli
Da tanze Schoggiängeli
---
   U mir singe de - dr lieb läng Tag
   Tra-la-la-la-laaa, Tra-la-la-la-laaa
   Lieder über Schoggola
   Lieder über Schog-go-laaaaaaaa

........................................